Методдесант

Муус устар 05 күнүгэр оскуолабыт учууталлара Мэҥэ-Хаҥалас Бэдьимэтин орто оскуолатыгар методическай десант оҥордулар.Олохтоох коллектив ыалдьыттары үөрэ-көтө көрүстэ. Оҕо аҕыйаҕынан кыра нэһилиэк оскуола-сад хайысханан орто оскуоланы тутан олорор, 72 үөрэнээччи, 40-ча детсад иитиллээччитин 51 үлэһит иитэн-үөрэтэн үлэлии сылдьаллар.

Коллектив олус айымньылаахтык, таһаарыылаахтык үлэлиирин туоһутунан оҕолор БКЭ-лэрин ситиһиилээхтик туттараллара буолар, холобур, нуучча тылыгар иллэрээ сыл 100 баалы, былырыын 92 баалы ылбыт үөрэнээччилэрдээхтэр эбит. Оскуола «Дьөһүөл» программанан төрөппүттэри, олохтоох тэрилтэлэри кытта холбуу түмсэн оҕону иитиинэн-үөрэтиинэн дьарыктаммыта 6-с сыллара буолбут.

Биһиги завучпут Стручкова Т.П., учууталларбыт Алексеева Т.А., Жиркова Д.Д., Винокурова С.Н., Кривошапкина Ж.А., Кейментинов А.И., Винокурова Ю.Г., Жиркова Т.А., Жиркова Е.Н., Васильева А.Н. интегрированнай уроктары, үөрэтии сингапурскай методын, оонньуулары, маастар-класстары ыыппыттарын үөрэнээччилэр да, учууталлар да сэргээтилэр, үөрэннилэр. Десант икки өттүттэн интириэһинэйдик, таһаарыылаахтык, туһалаахтык ааспытын икки оскуола директордара астына бэлиэтээтилэр.

Подробнее на сайте Методического объединения учителей

Заблокирована возможность оставлять комментарии