Олоҥхо нэдиэлэтэ

   Сэтинньи 22-26 күнүгэр дылы « Олоҥхо-  саха омук өркөн өйө» нэдиэлэ чэрчитинэн 5-11 кылаас үөрэнээччилэрэ бары көхтөөхтүк кытыннылар.   Уопсайа 5-11 дылы 130 оҕо кыттыыны ылла.
        Дьарык маннык көрүнүнэн барда:
«Олоҥхо тутула»-  5а, 5б, 6 кылаас (С.С. Васильев – Борогонскай «Мөҕүрүүр Бөҕө», «Эрчимэн Бэргэн»олоҥхолоругар  пазл, «Байанай бэлэҕэ» остуол ооньуута)
«Олоҥхо кистэлэҥэ»- 7а, 7б, 8 кылаас (Устин Нохсоороп «Дыырай Бэргэн», «Кыыс Дэбилийэ» олоҥхолорго ребус оҥоруу)
«Таайтарыылаах таайбаран»- 9а, 9б кылаас (К. Оросин,  «Дьулуруйар Ньургун Боотур» олоҥхотунан кроссворд, сканворд о.д.а)
«Булугас өй»- 10, 11 кылаас (П.Ойуунускай «Дьулуруйар Ньургун Боотур» олоҥхо5о гугл форманан викторина, презентация)
       Быйылгы нэдиэлэ сонун өттүнэн буолла – күрэҕи көрүнүнэн тыырыллыбыт кылаас оҕолоро бэйэлэрэ ыыттылар уонна түмүгүн бэйэлэрэ таһаардылар.
5б кылаас пазл хомуйуутугар 1, 2, 3, 4, 5, 6 кылаас үөрэнээччилэрин кытыннарда, ол түмүгунэн миэстэ таҕыста:
1м- Рожин Ньургун (6 кл)
2 м- Жиркова Есения (2б кл)
3 м- Ядреева Камилла (1б кл).
7б кылаас ребус таайыытыгар учууталлары уонна алын, улахан кылаас оҕолорун  кытыннардылар.
Учууталларга:
1 м — Соловьева А.Т ,математика учуутала
2 м — Ефремов Г.М , информатика учуутала.
Оҕолорго:
1 м —  Лиханова Динара,7а кыл
2 м — Илларионова Аня, 7а кыл
3 м — Стручкова Аэлита, 11 кыл.
10 кылаас ыыппыт гугл викторинаҕа 38 үөрэнээччи кытынна:
1м — Лиханова Динара,7а кыл
2 м– Баишев Альберт (9а кыл
3 миэстэ- Трунина Вика (7б кл).
11 кылаас викторинаҕа:
1миэстэ- Аргунов Айгылаан (5б кл)
2 миэстэ – Тарабукин Юлиан (5б кл)
3 миэстэ- Гоголев Айысхан (6 кл).
П.П. Ядрихинскай- Бэдьээлэ «Дьырыбына Дьырылыатта Кыыс Бухатыыр», У.Г. Нохсоороп «Дыырай Бэргэн» олоҥхолортон быһа тардан 5б, 7а, 7б кылаас оҕолоро толорон олоҥхо нэдиэлэтин түмүктүүр тэрээһиннэ кытыннылар: Сорук Боллур – Егоров Эрнест, Аан Алахчын –Сысолятина Элеонора, Лиханова Динара, Кыыс Бухатыыр – Лиханова Ванесса, Абааһы уола – Замаратский Алеша, олоҥхоһут – Филиппов Тимур о.д.а.
Алын 1-4 кылааска  С.С.Васильев – Борогонскай «Мөҕүрүүр Бөҕө» олоҥхонон сахалыы мультфильм көрдөрдүбүт.
10 кылаастан Эверстова Айыына, Чичигинарова Алина сэтинньи 24-25 күнүгэр оскуола араадьыйатыгар «Баай барыылаах байанай ыйа» уонна «Олоҥхо- саха фольклорун чыпчаала» биэриилэри ыыттылар, нэдиэлэ түмүгэр «Олоҥхо дойдутугар айан» презентация көһүннэ.
Дьарыгы тэрийэн ыыттылар: Томская А.А, Павлова Д.К, Павлова Д.А.
 
27.11.2021с
 
 

Добавить комментарий